Вежба по Историја на новинарство

За следната недела треба секој од студентите да размисли на следниве теми за кои ќе се дискутира на вежбите со асистентката следниот вторник.
Темите се:

- Слобода на печат

- Печат и цензура

- Основање на новински агенции и дописништво

- Структура и финансиско работење на агенции

- Агенциите и агенциското новинарство во Македонија

- Влијанието на агенцискиот материјал на новинарскиот стил и содржина

Секој од студентите си одбира тема и се става во улога на новинар, агенциски новинар, дописник или сопственик на агенција соодветно за улогата која ја одбрал. Тоа подразбира дека треба да се прочитаат материјали, да се разговара со некој искусен новинар, да се соберат информации кои подоцна на дискусијата ќе ги искористите како податоци.

На пример доколку одберете тема дописништво, треба да размислувате во насока како да сте вие дописник. Ќе треба да размислувате за прашањата зошто сте ослучиле да станете дописни, што претставува дописничката работа, како се развива итн.
Финанскиското работење на агенциите, може на пример да се разгледува од аспект на сопственик на некоја агенција. Како таа се финансира? Каква е структурата на агенцијата? Каков е стилот на агенциското новинарство? Како може тој да влијае на стилот на новинарите од печатените и електронските медиуми?